ಮಂಗಳೂರು: ಬೆಳ್ತಂಗಡಿ ತಾಲೂಕಿನ ಮೌಲಾನಾರೋರ್ವರ ಮನೆಯ ಸಿಮೆಂಟ್ ಶೀಟಿನ ಮೇಲ್ಛಾವಣಿ, ಹಾನಿಗೊಳಗಾಗಿದ್ದು, ಸಮಾಜ ಸೇವಾ ಘಟಕ, ಜಮಾಅತೆ ಇಸ್ಲಾಮೀ ಹಿಂದ್ ಮಂಗಳೂರು ಶಾಖೆಯ ವತಿಯಿಂದ, ಅದಕ್ಕೆ ಸ್ಲ್ಯಾಪ್ ಹಾಕಿ, ಕೊಠಡಿಯನ್ನು ಸೇರಿಸಿ, ದಾನಿಗಳ ನೆರವಿನಿಂದ ಸುಮಾರು ನಾಲ್ಕು ಲಕ್ಷ ರೂಪಾಯಿ ವ್ಯಯಿಸಿ, ಸಂಪೂರ್ಣ ದುರಸ್ತಿ ಮಾಡಿಸಿ ಕುಟುಂಬಕ್ಕೆ ಹಸ್ತಾಂತರಿಸಲಾಯಿತು.
ಮನೆಯನ್ನು ಬೋಳಂಗಡಿ ಹವ್ವಾ ಜುಮ್ಮಾ ಮಸೀದಿಯ ಖತೀಬರಾದ, ಮೌಲಾನಾ ಯಹ್ಯಾ ತಂಙಲ್ ಮದನಿಯವರು ಹಸ್ತಾಂತರಿಸಿದರು.
ಈ ಸಂದರ್ಭದಲ್ಲಿ ಉಪ್ಪಿನಂಗಡಿ ಜಮಾಅತೆ ಇಸ್ಲಾಮೀ ಹಿಂದ್ನ ಅಧ್ಯಕ್ಷರಾದ ಅಬ್ದುಲ್ ಹಸೀಬ್ , ಜಮಾಅತ್ನ ಉಪಾಧ್ಯಕ್ಷರಾದ ಅಬ್ದುರ್ರಹ್ಮಾನ್ ಮೌಲವಿ, ಸಮಾಜ ಸೇವಾ ವಿಭಾಗದ ಉಪ್ಪಿನಂಗಡಿ ಹೊಣೆಗಾರರಾದ ಇಲ್ಯಾಸ್ ಯು.ಕೆ., ಮುಹಮ್ಮದ್ ಕೆ.ಪಿ., ಅಬ್ದುಲ್ಲತೀಪ್ ಹಾಗೂ ಶಂಶೀರ್ ಮೆಲ್ಕಾರ್, ಅಬುಸಾಲಿ ಬಂಟ್ವಾಳ ಉಪಸ್ಥಿತರಿದ್ದರು.
IslamKannada News Portal






