Home / ವಾರ್ತೆಗಳು / ಕ್ರೈಸ್ತರ ಸುರಕ್ಷತೆಗೆ ಖಲೀಫಾ ಉಮರ್ ನೀಡಿದ ಒಡಂಬಡಿಕೆಯ ಪ್ರತಿಯನ್ನು ಎರ್ಡೊಗನ್‌ಗೆ ಸಮರ್ಪಣೆ ಮಾಡಿದ ಗ್ರೀಕ್ ಆರ್ಥೊಡಾಕ್ಸ್ ಪಿತಾಮಹ

ಕ್ರೈಸ್ತರ ಸುರಕ್ಷತೆಗೆ ಖಲೀಫಾ ಉಮರ್ ನೀಡಿದ ಒಡಂಬಡಿಕೆಯ ಪ್ರತಿಯನ್ನು ಎರ್ಡೊಗನ್‌ಗೆ ಸಮರ್ಪಣೆ ಮಾಡಿದ ಗ್ರೀಕ್ ಆರ್ಥೊಡಾಕ್ಸ್ ಪಿತಾಮಹ

ಇಸ್ತಾನ್‌ಬುಲ್: 638ರಲ್ಲಿ ಖಲೀಫಾ ಹಜರತ್ ಉಮರ್ ಜೆರುಸಲೆಮ್ ವಶಪಡಿಸಿಕೊಂಡ ಬಳಿಕ ಹೊರಡಿಸಿದ ಐತಿಹಾಸಿಕ ಒಡಂಬಡಿಕೆಯ ನಕಲು ಪ್ರತಿಯನ್ನು ಟರ್ಕಿ ಅಧ್ಯಕ್ಷ ರೆಸೆಪ್ ತಯ್ಯಿಪ್ ಎರ್ಡೊಗನ್ ಅವರಿಗೆ ಜೆರುಸಲೆಮ್‌ನ ಗ್ರೀಕ್ ಆರ್ಥೊಡಾಕ್ಸ್ ಪಿತಾಮಹ ಥಿಯೋಫಿಲೋಸ್ ಜಿಯಾನೊಪೌಲೋಸ್ ಸಮರ್ಪಿಸಿದರು.

ಟರ್ಕಿಯ ಡೊಲ್ಮಾಬಾಹ್ಸ್ ಅರಮನೆಯಲ್ಲಿ ಈ ಸಮರ್ಪಣೆ ಕಾರ್ಯಕ್ರಮ ನಡೆದಿದ್ದು, ಕ್ರಿಶ್ಚಿಯನ್ ಸಮುದಾಯದ ಹಕ್ಕುಗಳು ಮತ್ತು ಸುರಕ್ಷತೆಯನ್ನು ಖಾತರಿಪಡಿಸಿದ ಆ ಒಡಂಬಡಿಕೆಯನ್ನು ಇಸ್ಲಾಮಿಕ್ ಇತಿಹಾಸದಲ್ಲಿ ಧಾರ್ಮಿಕ ಸಹಬಾಳ್ವೆಯ ಪ್ರಮುಖ ದಾಖಲೆ ಎಂದು ಇತಿಹಾಸಕಾರರು ವಿವರಿಸಿದ್ದಾರೆ.

ಅಂತರ್ಧರ್ಮೀಯ ಗೌರವ ಮತ್ತು ಸಹಬಾಳ್ವೆಯ ಸಂದೇಶವನ್ನು ಹಜರತ್ ಉಮರ್ ಒಡಂಬಡಿಕೆ ನೀಡಿದೆಯೆಂದು ಪಿತಾಮಹ ಜಿಯಾನೊಪೌಲೋಸ್ ನೆನಪಿಸಿದರು. ಧಾರ್ಮಿಕ ಸಾಮರಸ್ಯ ಮತ್ತು ಐತಿಹಾಸಿಕ ಪೂಜಾ ಸ್ಥಳಗಳ ಸಂರಕ್ಷಣೆಯಲ್ಲಿ ಟರ್ಕಿಯ ಬದ್ಧತೆಯನ್ನು ಪುನರುಚ್ಚರಿಸಿದ್ದಾಗಿ ಎರ್ಡೊಗನ್ ಹೇಳಿದರು.

ಈ ಸಾಂಕೇತಿಕ ಉಡುಗೊರೆಯು ಇಂದಿಗೂ ಧರ್ಮಗಳ ನಡುವಿನ ಶಾಂತಿಯುತ ಸಹಬಾಳ್ವೆಯ ಸಂದೇಶಕ್ಕೆ ಪ್ರೇರಣೆ ನೀಡುತ್ತದೆ ಎಂದು ವೀಕ್ಷಕರು ಅಭಿಪ್ರಾಯಪಟ್ಟಿದ್ದಾರೆ.

SHARE THIS POST VIA

About editor

Check Also

18ನೇ ಶತಮಾನದ ಕುರ್‌ಆನನ್ನು ಪ್ರತಿಜ್ಞಾವಿಧಿಗೆ ಬಳಸಿದ ನ್ಯೂಯಾರ್ಕ್ ಮೇಯರ್ ಮಮ್ದಾನಿ

ಪ್ರತಿಜ್ಞಾವಿಧಿಯ ವೇಳೆ ನ್ಯೂಯಾರ್ಕ್ ಮೇಯರ್ ಝೋಹ್‌ರಾನ್ ಮಮ್ದಾನಿ ಎತ್ತಿ ಹಿಡಿದ ಪವಿತ್ರ ಕುರ್‌ಆನನ್ನು ಎಲ್ಲಿಂದ ತರಲಾಗಿತ್ತು ಎಂಬ ಪ್ರಶ್ನೆಗೆ ಇದೀಗ …