Home / ವಾರ್ತೆಗಳು / ಬಂಗ್ಲೆ ಗುಡ್ಡೆ ದುರಂತ ಪ್ರದೇಶ ಹಾಗೂ ಮೃತರ ಮನೆಗೆ ಜಮಾಅತೆ ಇಸ್ಲಾಮೀ ಹಿಂದ್ ತಂಡ ಭೇಟಿ

ಬಂಗ್ಲೆ ಗುಡ್ಡೆ ದುರಂತ ಪ್ರದೇಶ ಹಾಗೂ ಮೃತರ ಮನೆಗೆ ಜಮಾಅತೆ ಇಸ್ಲಾಮೀ ಹಿಂದ್ ತಂಡ ಭೇಟಿ

ಮಂಗಳೂರು (ಜುಲೈ 9 ): ಇತ್ತೀಚೆಗೆ ಬಂಗ್ಲೆಗುಡ್ಡೆಯಲ್ಲಿ ಭೂಕುಸಿತದಿಂದ ಎರಡು ಮನೆಗಳು ಧರಾಶಾಹಿಯಾಗಿ, 4 ಮನೆಗಳು ಸಂಪೂರ್ಣ ಹಾನಿಗೊಂಡು, ಇಬ್ಬರು ಮಕ್ಕಳು ಜೀವಂತ ಸಮಾಧಿಯಾದ ದುರಂತ ಸ್ಥಳಕ್ಕೆ ಜಮಾಅತೆ ಇಸ್ಲಾಮೀ ಹಿಂದ್ ದ.ಕ ತಂಡ ಭೇಟಿ ನೀಡಿ ಮಾಹಿತಿ ಕಲೆ ಹಾಕಿತು. ಮಕ್ಕಳನ್ನು ಕಳಕೊಂಡು ದುಃಖದ ಮಡುವಿನಲ್ಲಿ ನೋವನ್ನು ಅನುಭವಿಸುತ್ತಿರುವ ತಂದೆ ಶರೀಫರನ್ನು ಅವರ ಸಂಬಂಧಿಕರೋರ್ವರ ಮನೆಯಲ್ಲಿ ಭೇಟಿ ನೀಡಿ ಸಾಂತ್ವನ ಹೇಳಿತು.

ಅಲ್ಲಾಹನ ವಿಧಿಯನ್ನು ಯಾರಿಂದಲೂತಡೆಯಲುಸಾಧ್ಯವಿಲ್ಲ. ಯಾವುದೇ ಪರೀಕ್ಷಾ ಘಟ್ಟದಲ್ಲೂ ನಾವು ಅಲ್ಲಾಹನೊಂದಿಗೆ ಅಭಯ ಯಾಚಿಸುತ್ತಾ ಸಹನೆಯೊಂದಿಗೆ ವರ್ತಿಸಬೇಕು. ಮೃತ ಮಕ್ಕಳೊಂದಿಗೆ ನಾಳೆ ಸ್ವರ್ಗ ಲೋಕದಲ್ಲಿ ಒಂದುಗೂಡಲು ಅಲ್ಲಾಹನು ಕರುಣಿಸಲಿ ಎ೦ದು ತಂಡದಲ್ಲಿದ್ದ ಮೌಲಾನಾ ಯಹ್ಯಾ ತಂಗಲ್ ಮದನಿ ಕುಟುಂಬಸ್ಥರನ್ನು ಸಂತೈಸಿ ಪ್ರಾರ್ಥಿಸಿದರು. ಮಕ್ಕಳನ್ನು ಕಳಕೊಂಡ ಶರೀಫರಿಗೆ ಮತ್ತು ಮನೆ ಕಳಕೊಂಡ ಮಾಮು ಬ್ಯಾರಿಯವರ ಮಗ ಮುಬಾರಕ್ ರಿಗೆ ಜಮಾಅತೆ ಇಸ್ಲಾಮೀ ಹಿಂದ್ ತಂಡ ತಾತ್ಕಾಲಿಕ ಪರಿಹಾರ ಧನವನ್ನು ವಿತರಿಸಿತು.

ಜಮಾಅತ್ ತಂಡದಲ್ಲಿ ಮಂಗಳೂರು ವಲಯ ಸಂಚಾಲಕರು, ದ.ಕ ಜಿಲ್ಲಾ ಸಂಚಾಲಕ ಸಈದ್ ಇಸ್ಮಾಯಿಲ್, ಸ್ನೇಹ ಪಬ್ಲಿಕ್ ಸ್ಕೂಲ್ ಚೇರ್ ಮ್ಯಾನ್ ಯೂಸುಫ್ ಪಕ್ಕಲಡ್ಕ, ವಾಮಂಜೂರು ಅಲ್ ಹಮ್ದ್ ಸಂಸ್ಥೆಯ ಅಬ್ದುಲ್ ಖಾದರ್ ಹಾಜಿ ಮತ್ತು ಆಲಿಯಬ್ಬ ಹಾಗೂ ಎಡಪದವಿನ ಜಮಾಅತ್ ಬಂಧುಗಳಾದ ಇಸ್ಮಾಯಿಲ್ ಕಲ್ಲಾಡಿ, ಮುನೀರ್ ಪದರಂಗಿ, ಶರೀಫ್ ಕುಪ್ಪೆಪದವು ಇದ್ದರು.

SHARE THIS POST VIA

About editor

Check Also

18ನೇ ಶತಮಾನದ ಕುರ್‌ಆನನ್ನು ಪ್ರತಿಜ್ಞಾವಿಧಿಗೆ ಬಳಸಿದ ನ್ಯೂಯಾರ್ಕ್ ಮೇಯರ್ ಮಮ್ದಾನಿ

ಪ್ರತಿಜ್ಞಾವಿಧಿಯ ವೇಳೆ ನ್ಯೂಯಾರ್ಕ್ ಮೇಯರ್ ಝೋಹ್‌ರಾನ್ ಮಮ್ದಾನಿ ಎತ್ತಿ ಹಿಡಿದ ಪವಿತ್ರ ಕುರ್‌ಆನನ್ನು ಎಲ್ಲಿಂದ ತರಲಾಗಿತ್ತು ಎಂಬ ಪ್ರಶ್ನೆಗೆ ಇದೀಗ …