Home / ವಾರ್ತೆಗಳು / ಸಿದ್ದೀಕ್ ಜಕ್ರಿಬೆಟ್ಟು ಬರೆದ ಸುಮಧುರ ದಾಂಪತ್ಯ ಕೃತಿ ಬಿಡುಗಡೆ

ಸಿದ್ದೀಕ್ ಜಕ್ರಿಬೆಟ್ಟು ಬರೆದ ಸುಮಧುರ ದಾಂಪತ್ಯ ಕೃತಿ ಬಿಡುಗಡೆ

ಮಂಗಳೂರು: ” ಸಮಾಜದ ಕುಟುಂಬದ ಸಮಸ್ಯೆಗಳನ್ನು ಬಹಳ ಯಥಾವತ್ತಾಗಿ ಈ ಕೃತಿಯಲ್ಲಿ ತಿಳಿಸಲಾಗಿದೆ. ಇಸ್ಲಾಮಿನಲ್ಲಿ ಮದುವೆಯು ಸರಳ ವಿಧಾನವಾಗಿದೆ. ಮದುವೆಯ ಪ್ರಾರಂಭದಿಂದ ಹಿಡಿದು ಹನಿಮೂನ್ ಸಹಿತ ಎಲ್ಲಾ ವಿಚಾರಗಳು ಈ ಕೃತಿಯಲ್ಲಿ ಅಡಕವಾಗಿವೆ. ದಾಂಪತ್ಯ ಬದುಕಿನ ಆಗು ಹೋಗುಗಳ ಬಗೆಗಿನ ಈ ವಿಮರ್ಶಾತ್ಮಕ ಕೃತಿ ಪ್ರತಿಯೊಂದು ಮನೆಗೂ ಪ್ರಯೋಜನಕಾರಿಯಾಗಲಿದೆ ಎಂದು ಫಾರ್ವರ್ಡ್ ಕೌನ್ಸಿಲಿಂಗ್ ಟ್ರಸ್ಟ್ ಮಂಗಳೂರು ಇದರ ಅಧ್ಯಕ್ಷರಾದ ರಹ್ಮತ್ ಮನ್ಸೂರ್ ಹೇಳಿದರು.

ಅವರು ಇಲ್ಲಿನ ಫಾರ್ವರ್ಡ್ ಕೌನ್ಸಿಲಿಂಗ್ ಕಚೇರಿಯಲ್ಲಿ ನಡೆದ ಸರಳ ಕಾರ್ಯಕ್ರಮದಲ್ಲಿ , ಫಾರ್ವರ್ಡ್ ಕೌನ್ಸಿಲಿಂಗ್ ಸದಸ್ಯ ಸಿದ್ದೀಕ್ ಜಕ್ರಿಬೆಟ್ಟು ಬರೆದ “ಸುಮಧುರ ದಾಂಪತ್ಯ ” ಕೃತಿಯನ್ನು ಶೀಘ್ರದಲ್ಲೇ ಮದುವೆಯಾಗಲಿರುವ ನವದಂಪತಿಗಳಿಗೆ ಹಸ್ತಾಂತರಿಸುತ್ತಾ ಬಿಡುಗಡೆಗೊಳಿಸಿ ಮಾತನಾಡುತ್ತಿದ್ದರು.

ಫಾರ್ವರ್ಡ್ ಕೌನ್ಸಿಲಿಂಗ್ ಸದಸ್ಯೆಯರಾದ ಶಹನಾಝ್.ಎಂ. ಮತ್ತು ಮರ್ಯಮ್ ಶಹೀರಾ ಶುಭ ಹಾರೈಸಿದರು. ಕೃತಿಯ ಲೇಖಕ ಮುಹಮ್ಮದ್ ಸಿದ್ದೀಕ್ ಜಕ್ರಿಬೆಟ್ಟು ಮಾತನಾಡುತ್ತಾ “ಸಮಾಜದಲ್ಲಿ ನಡೆಯುತ್ತಿರುವ ಅನಿಸ್ಲಾಮಿಕ ನಡೆಯೇ ಈ ಕೃತಿಗೆ ಪ್ರೇರಣೆ ಎಂದು ಹೇಳಿದರು.

ಪ್ರಾರಂಭದಲ್ಲಿ ಮರ್ಯಮ್ ಶಹೀರಾ ಕುರ್ ಆನ್ ಪಠಿಸಿದರು. ಕನೀಝಾ ಫಾತಿಮಾ ಕಾರ್ಯಕ್ರಮ ನಿರೂಪಿಸಿದರು. ಫಾರ್ವರ್ಡ್ ಕೌನ್ಸಿಲಿಂಗ್ ಸದಸ್ಯರಾದ ಸಯೀದ್ ಇಸ್ಮಾಯಿಲ್, ಯೂಸುಫ್ ಪಕ್ಕಲಡ್ಕ ಮುಂತಾದವರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.

SHARE THIS POST VIA

About editor

Check Also

18ನೇ ಶತಮಾನದ ಕುರ್‌ಆನನ್ನು ಪ್ರತಿಜ್ಞಾವಿಧಿಗೆ ಬಳಸಿದ ನ್ಯೂಯಾರ್ಕ್ ಮೇಯರ್ ಮಮ್ದಾನಿ

ಪ್ರತಿಜ್ಞಾವಿಧಿಯ ವೇಳೆ ನ್ಯೂಯಾರ್ಕ್ ಮೇಯರ್ ಝೋಹ್‌ರಾನ್ ಮಮ್ದಾನಿ ಎತ್ತಿ ಹಿಡಿದ ಪವಿತ್ರ ಕುರ್‌ಆನನ್ನು ಎಲ್ಲಿಂದ ತರಲಾಗಿತ್ತು ಎಂಬ ಪ್ರಶ್ನೆಗೆ ಇದೀಗ …