Home / ವಾರ್ತೆಗಳು / ಬಾಂಗ್ಲಾದೇಶದ ಕೆಲಸದಾಕೆಯನ್ನು ಥಳಿಸಿ ಕೊಂದ ಸೌದಿ ಮಹಿಳೆಗೆ ಮರಣದಂಡನೆ ವಿಧಿಸಿದ ನ್ಯಾಯಾಲಯ

ಬಾಂಗ್ಲಾದೇಶದ ಕೆಲಸದಾಕೆಯನ್ನು ಥಳಿಸಿ ಕೊಂದ ಸೌದಿ ಮಹಿಳೆಗೆ ಮರಣದಂಡನೆ ವಿಧಿಸಿದ ನ್ಯಾಯಾಲಯ

ರಿಯಾದ್: ಬಾಂಗ್ಲಾದೇಶದ ಕೆಲಸದಾಕೆಯನ್ನು ಥಳಿಸಿದ ಸೌದಿ ಮಹಿಳೆಯೊಬ್ಬರಿಗೆ ಭಾನುವಾರ ಮರಣದಂಡನೆ ವಿಧಿಸಲಾಗಿದೆ.

ಆಯೆಷಾ ಅಲ್-ಜಿಜಾನಿ ಎಂದು ಗುರುತಿಸಲ್ಪಟ್ಟ ಆರೋಪಿಯು ತನ್ನ 40 ವರ್ಷದ ಬಾಂಗ್ಲಾದೇಶದ ಸೇವಕಿ ಅಬಿರಾನ್ ಬೇಗಂನನ್ನು 2019 ರ ಮಾರ್ಚ್‌ನಲ್ಲಿ ನಿರ್ದಯವಾಗಿ ಥಳಿಸಿ ಕೊಂದದ್ದಕ್ಕಾಗಿ ಸೌದಿ ನ್ಯಾಯಾಲಯವು ಆಕೆಗೆ ಮರಣದಂಡನೆ ವಿಧಿಸಲಾಗಿದೆ.

ಬಾಂಗ್ಲಾದೇಶದ ವಲಸಿಗ ಸಚಿವಾಲಯದ ಹಿರಿಯ ಅಧಿಕಾರಿಯೊಬ್ಬರ ಪ್ರಕಾರ, ಬೇಗಂರಿಗೆ ವೈದ್ಯಕೀಯ ಚಿಕಿತ್ಸೆ ನೀಡಲು ನೆರವು ನೀಡದ ಕಾರಣಕ್ಕೆ ಮತ್ತು ಆಕೆಯನ್ನು ಕಾನೂನು ಬಾಹಿರವಾಗಿ ಮನೆಯ ಹೊರಗೆ ದುಡಿಸಿದ್ದಕ್ಕಾಗಿ ಜಿಜಾನಿಯ ಪತಿಯನ್ನು ಮೂರು ವರ್ಷಗಳ ಕಾಲ ಜೈಲಿಗೆ ಹಾಕಲಾಯಿತು. ಜಿಜಾನಿಯ ಮಗನನ್ನು ಏಳು ತಿಂಗಳ ಕಾಲ ಮಕ್ಕಳ ಕೇಂದ್ರಕ್ಕೆ ಕಳುಹಿಸಲಾಗಿದೆ ಎಂದು ಅವರು ಹೇಳಿದರು.

ಸೌದಿ ಕ್ರಿಮಿನಲ್ ಕೋರ್ಟ್ ಭಾನುವಾರ ತೀರ್ಪು ಪ್ರಕಟಿಸಿದ್ದು, ಈ ತೀರ್ಪಿಗೆ ಬಾಂಗ್ಲಾದೇಶದ ವಿದೇಶಾಂಗ ಸಚಿವ ಎ.ಕೆ.ಅಬ್ದುಲ್ ಮೊಮೆನ್ ಶ್ಲಾಘನೆ ವ್ಯಕ್ತ ಪಡಿಸಿದ್ದಾರೆ. . “ಈ ಅಪರೂಪದ ಆದರೆ ಅನುಕರಣೀಯ ಶಿಕ್ಷೆಯನ್ನು ನೀಡಿದ್ದಕ್ಕಾಗಿ ನಾನು ಸೌದಿ ಸರ್ಕಾರವನ್ನು ಶ್ಲಾಘಿಸುತ್ತೇನೆ ” ಎಂದು ಅವರು ಹೇಳಿದರು.

ನಾಲ್ಕು ವರ್ಷಗಳ ದಲ್ಲಾಳಿಗಳ ಮೋಸಕ್ಕೆ ಬಲಿಯಾಗಿ ಬೇಗಂ ಈ ಕೆಲಸಕ್ಕೆ ಸೇರಿದ್ದರು. ಅಂತಹ ದಲ್ಲಾಳಿಗಳ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂದು ಬೇಗಂನ ಸಂಬಂಧಿಕರು ಬಾಂಗ್ಲಾದೇಶ ಸರ್ಕಾರವನ್ನು ಒತ್ತಾಯಿಸಿದ್ದಾರೆ.

ಬೇಗಂನ ಕುಟುಂಬ ಸದಸ್ಯರು, “ಅವಳು ಹೋದ ಎರಡು ವಾರಗಳ ನಂತರ ಅವರು ಅವಳನ್ನು ಹಿಂಸಿಸಲು ಪ್ರಾರಂಭಿಸಿದರು. ಅವಳು ನಮ್ಮನ್ನು ಕರೆದು ಅಳುತ್ತಿದ್ದಳು… ಅವಳನ್ನು ಮರಳಿ ಕರೆತರಲು ನಾವು ಇಲ್ಲಿ ದಲ್ಲಾಳಿಗಳನ್ನು ಬೇಡಿಕೊಂಡೆವು, ಆದರೆ ಯಾರೂ ನಮ್ಮ ಮಾತನ್ನು ಕೇಳಲಿಲ್ಲ. ”

ಬೇಗಂ ಒಮ್ಮೆ ಫೋನ್ ಕರೆಯಲ್ಲಿ, “ಅವರು ನನ್ನ ಮೇಲೆ ನಿರ್ದಯವಾಗಿ ಹಲ್ಲೆ ಮಾಡುತ್ತಾರೆ, ದಯವಿಟ್ಟು ನನ್ನನ್ನು ರಕ್ಷಿಸಿ ಎಂದು ಬೇಡುತ್ತಿದ್ದಳು” ಎಂದು ಅವಳ ಸಹೋದರಿ ರೇಷ್ಮಾ ಹೇಳಿದರು.

1991 ರಿಂದ 300,000 ಕ್ಕೂ ಹೆಚ್ಚು ಬಾಂಗ್ಲಾದೇಶದ ಮಹಿಳಾ ಕಾರ್ಮಿಕರು ಸೌದಿ ಅರೇಬಿಯಾಕ್ಕೆ ಪ್ರಯಾಣಿಸಿದ್ದಾರೆ, ಆದರೆ ಅವರಲ್ಲಿ ಹಲವರು ನಿಂದನೆ ಮತ್ತು ಶೋಷಣೆಯ ಕಥೆಗಳೊಂದಿಗೆ ಮರಳಿದರು.

ಹ್ಯೂಮನ್ ರೈಟ್ಸ್ ವಾಚ್ ಪ್ರಕಾರ, ಅವರ ಪಾಸ್‌ಪೋರ್ಟ್‌ಗಳನ್ನು ಮುಟ್ಟುಗೋಲು ಹಾಕಿಕೊಳ್ಳುತ್ತಾರೆ, ವೇತನವನ್ನು ತಡೆಹಿಡಿಯುತ್ತಾರೆ ಮತ್ತು ವಲಸಿಗರನ್ನು ಬಲವಂತವಾಗಿ ಎಲ್ಲಾ ಕೆಲಸಗಳನ್ನು ಮಾಡಲು ಒತ್ತಾಯಿಸುತ್ತಾರೆ. ಸುಮಾರು 70 ಬಾಂಗ್ಲಾದೇಶಿ ಕಾರ್ಮಿಕರು ಸೌದಿ ಅರೇಬಿಯಾದಲ್ಲಿ ಸಾವನ್ನಪ್ಪಿದರು, ಅವರಲ್ಲಿ 50 ಕ್ಕೂ ಹೆಚ್ಚು ಜನರು ಆತ್ಮಹತ್ಯೆಯಿಂದ ಸಾವನ್ನಪ್ಪಿದ್ದಾರೆ.

SHARE THIS POST VIA

About editor

Check Also

18ನೇ ಶತಮಾನದ ಕುರ್‌ಆನನ್ನು ಪ್ರತಿಜ್ಞಾವಿಧಿಗೆ ಬಳಸಿದ ನ್ಯೂಯಾರ್ಕ್ ಮೇಯರ್ ಮಮ್ದಾನಿ

ಪ್ರತಿಜ್ಞಾವಿಧಿಯ ವೇಳೆ ನ್ಯೂಯಾರ್ಕ್ ಮೇಯರ್ ಝೋಹ್‌ರಾನ್ ಮಮ್ದಾನಿ ಎತ್ತಿ ಹಿಡಿದ ಪವಿತ್ರ ಕುರ್‌ಆನನ್ನು ಎಲ್ಲಿಂದ ತರಲಾಗಿತ್ತು ಎಂಬ ಪ್ರಶ್ನೆಗೆ ಇದೀಗ …