ತನ್ನನ್ನು ನಿರಂತರವಾಗಿ ಪೀಡಿಸಿ ದೇಶ ಭ್ರಷ್ಟರನ್ನಾಗಿ ಮಾಡಿದ ಶತ್ರುಗಳಿಗೂ ಪ್ರವಾದಿ ಮುಹಮ್ಮದ್ (ಸ) ಅವರು ಪ್ರೀತಿ ವಾತ್ಸಲ್ಯವನ್ನು ಧಾರೆಯೆರೆಯಲಾದ ಇನ್ನೊಂದು ಉದಾಹರಣೆ ಜಗತ್ತಿನ ಇತಿಹಾಸದಲ್ಲಿ ಬೇರೆ ಸಿಗಲಾರದು.
ಪ್ರವಾದಿವರ್ಯರಿಗೆ(ಸ) ಸತ್ಯದ ಸ್ಥಾಪನೆಗಾಗಿ ಎಂತೆಂತಹ ಭೀಕರ ಸಂಕಷ್ಟಗಳನ್ನು, ಸತ್ವಪರೀಕ್ಷೆಗಳನ್ನು ಎದುರಿಸಬೇಕಾಯಿತು; ಅವರ ಮೇಲೆ ಏನೆಲ್ಲ ಗತಿಸಿತು ಎಂಬುದನ್ನು ಯೋಚಿಸುವಾಗಲೇ ಮೈ ನವಿರೇಳುತ್ತದೆ. ಅಂತಹ ಘಟನೆಗಳ ಪೈಕಿ ಕೆಲವೊಂದನ್ನು ಇತಿಹಾಸದ ಪುಟಗಳಿಂದ ಆಯ್ದು ಯುವ ಲೇಖಕ ಮುಹಮ್ಮದ್ ಅಶ್ರಫ್ ಅವರು ‘ಶತ್ರುವತ್ಸಲ ಪ್ರವಾದಿ ಮುಹಮ್ಮದ್(ಸ)’ ಎಂಬ ಈ ಕೃತಿಯಲ್ಲಿ ಸುಂದರವಾಗಿ ಪೋಣಿಸಿ ಸಿದ್ಧಪಡಿಸಿದ್ದಾರೆ.
ಲೋಕದಲ್ಲಿ ಪ್ರವಾದಿ ಮುಹಮ್ಮದ್(ಸ)ರ ಜೀವನ ಚರಿತ್ರೆಗೆ ಸಂಬಂಧಿಸಿ ರಚಿಸಲಾದಷ್ಟು ಕಿರು ಪುಸ್ತಕಗಳು ಮತ್ತು ಅನೇಕ ಸಂಪುಟಗಳುಳ್ಳ ಬೃಹತ್ ಗ್ರಂಥಗಳು ಬೇರೆ ಯಾರ ಬಗ್ಗೆಯೂ ರಚಿಸಲಾಗಿಲ್ಲವೆಂಬುದು ವಾಸ್ತವ. ಇಂದಿಗೂ ಈ ಪ್ರಕ್ರಿಯೆ ಜಾರಿಯಲ್ಲಿದೆ. ಆದರೆ ಈ ಕೃತಿಯಲ್ಲಿ, ವೈರಿಗಳ ದ್ವೇಷ, ಕ್ರೋಧಭರಿತ ವರ್ತನೆ ಮತ್ತು ಅದಕ್ಕೆ ಪ್ರವಾದಿವರ್ಯರ(ಸ) ಪ್ರೀತಿ-ವಾತ್ಸಲ್ಯಗಳೇ ತುಂಬಿದ ಪ್ರತಿಕ್ರಿಯೆಯನ್ನು ಬಹಳ ಸೊಗಸಾಗಿ ಚಿತ್ರಿಸಲಾಗಿದೆ. ನಾಡಿನ ಹಿರಿಯ ಸಾಹಿತಿ ಏರ್ಯ ಲಕ್ಷೀ ನಾರಾಯಣ ಅಲ್ವಾ ಈ ಕೃತಿಗೆ ಮುನ್ನುಡಿ ಬರೆದಿದ್ದಾರೆ, ಪ್ರವಾದಿ (ಸ) ಮತ್ತು ಇಸ್ಲಾಮನ್ನು ಪರಿಚಯಿಸಲು ಈ ಕೃತಿಯು ಅತ್ಯುತ್ತಮವಾಗಿದೆ .
ಪುಟಗಳು :128 | ಮುಖಬೆಲೆ : 90
▬▬▬● ಶಾಂತಿ ಪ್ರಕಾಶನ ●▬▬▬
+91 9448696490 | +91 9449333496
IslamKannada News Portal
