ಅಲ್ಲಾಹನನ್ನು ಸೃಷ್ಟಿಸಿದವರು ಯಾರು?

ಅಬೂ ಹುರೈರಾ(ರ) ಅವರಿಂದ ವರದಿಯಾಗಿದೆ. ಪ್ರವಾದಿ(ಸ) ಹೇಳಿದರು – ಜನರು ಪರಸ್ಪರರಲ್ಲಿ ಪ್ರಶ್ನಿಸುತ್ತಲೇ ಇರುವರು. ಎಲ್ಲಿಯವರೆಗೆಂದರೆ – ಇದು ಅಲ್ಲಾಹನು ಸೃಷ್ಟಿಸಿದ ಸೃಷ್ಟಿಯಾಗಿದೆ. ಆದರೆ ಅಲ್ಲಾಹನನ್ನು ಸೃಷ್ಟಿಸಿದವರು ಯಾರು? ಎಂದು ಅವರು ಕೇಳುವರು. ಅವರು ಹೀಗೆ ಹೇಳತೊಡಗಿದಾಗ ಹೇಳಿರಿ – ಅಲ್ಲಾಹನು ಏಕೈಕನಾಗಿದ್ದಾನೆ. ಅಲ್ಲಾಹನು ನಿರಪೇಕ್ಷನಾಗಿದ್ದಾನೆ. ಅವನು ಯಾರ ತಂದೆಯೂ ಅಲ್ಲ, ಪುತ್ರನೂ ಅಲ್ಲ ಮತ್ತು ಅವನಿಗೆ ಸರಿಸಮಾನರಾದವರು ಯಾರೂ ಇಲ್ಲ. ಅನಂತರ ಮೂರು ಸಲ ತನ್ನ ಎಡಭಾಗಕ್ಕೆ ಉಗುಳಲಿ ಮತ್ತು ಶಪಿತ ಶೈತಾನನಿಂದ ಅಲ್ಲಾಹನ ಅಭಯ ಯಾಚಿಸಲಿ. (ಅಬೂ ದಾವೂದ್)