‘ಮಾನವ ಸಮಸ್ಯೆಗಳ ಸುಳಿಯಲ್ಲಿ’ ಕೃತಿ ಪರಿಚಯ

ಮಾನವ ಅಸ್ತಿತ್ವಕ್ಕೆ ಬಂದು ಸುಮಾರು 5 ಲಕ್ಷ ವರ್ಷಗಳಾದುವು ಎಂದು ಹೇಳಲಾಗುತ್ತದೆ. ಜಗತ್ತನ್ನು ಜಯಿಸುವ ಮಾನವನ ಶ್ರಮ ಅವಿರತವಾಗಿಯೇ ಇದೆ. ಆತ ಶಿಕ್ಷಣ, ಸಂಸ್ಕೃತಿ ಮತ್ತು ನಾಗರಿಕತೆಯಲ್ಲಿ ಅಪೂರ್ವ ಪ್ರಗತಿಯನ್ನು ಸಾಧಿಸುವುದರ ಜೊತೆಗೆ ಆಧುನಿಕ ಆವಿಷ್ಕಾರಗಳ ಉತ್ತುಂಗಕ್ಕೂ ತಲುಪಿದ್ದಾನೆ. ಆದರೆ ಇದ್ಯಾವುದೂ ಮನುಷ್ಯನ ಸಂತೃಪ್ತ ಬದುಕಿಗೆ ಮತ್ತು ಆತನ ನೆಮ್ಮದಿಯ ನಾಳೆಗಳಿಗೆ ಪರಿಹಾರವೆಂದು ಗುರುತಿಸಲ್ಪಟ್ಟಿಲ್ಲ. ಜಗತ್ತು ಇಂದು ಏನೆಲ್ಲಾ ಪ್ರಗತಿ ಸಾಧಿಸಿದೆಯೋ, ಮನುಷ್ಯ ಕೂಡ ಅಷ್ಟೇ ಅದರ ಸುಳಿಯಲ್ಲಿ ಬಂದಿಯಾಗಿದ್ದಾನೆ. ಅದನ್ನು ಬಿಡಿಸಲು ಹೋದಂತೆ ಅವನ ಸಮಸ್ಯೆಗಳು ಇನ್ನಷ್ಟು ಜಟಿಲವಾಗುವುದನ್ನು ನಾವು ಕಾಣುತ್ತಿದ್ದೇವೆ. ಇಂದು ಜಗತ್ತನ್ನು ಆಳುತ್ತಿರುವ ಬಂಡವಾಳಶಾಹಿ ವ್ಯವಸ್ಥೆಯ ಗ್ರಾಹಕ ಸಂಸ್ಕೃತಿಯ ಪೀಡೆಯು ಮಾನವ ಬದುಕನ್ನು ಮೂರಾಬಟ್ಟೆಯಾಗಿಸಿದೆ.